Siyasiy mabüs Remzi Bekirovnı Krasnodar krayığa (rusiye) etap etildi

06 Iyül 2023

Qırımtatar siyasiy mabüsi ve içtimaiy jurnalist Remzi Bekirov, Kranoyarsk krayıdaki Yeniseyskniñ 2-nci apishanesine etap etildi. Qırım.Aqiqat bunı yazdı. 

Rus makemesiniñ qararına mücibi anda o, beş sene keçirmeli, qalğan müddetni ise – 14 sene – ciddiy rejimli müstemlekede keçirmeli.

Bozarğan aynıñ 30-ında başqa qırımtatar siyasiy mabüsi Arsen Abhairovnıñ davası boyunca makeme oturışında advokatqa Bekirovnı da Abhairovnıñ bulunğanı apishanege etap etkenlerini haber ettiler. Apishanege ketirgen soñ jurnalistni karantin kamerasına yerleştirdiler.

• Uzun vaqıt devamında Remzi Novoçerkask SİZOdan Krasnoyarsk kraydaki apishanege ketkende bütün bu vaqıt devamında onıñ qayda olğanını bilmey edik, – dep qoştı advokat Edem Semedlâyev.

2019 senesi saban ayında rus uquq qoruyıcıları Qırımda qırımtatar faalleriniñ, hususan «Qırım birdemligi» içtiamiy birleşmesiniñ vekilleriniñ evlerini tinttiler. Umumen 24 insan tutuldı, arasında içtimaiy jurnalistler Osman Arifmemetov, Rustem Şeyhaliyev, Remzi Bekirov. 2019 senesi saban ayınıñ 27-sinde ve 28-inde Aqmescitteki rusiye makemesi tutulğanlarnı apiske aldı.