Siyasiy mabüs Eskender Abdulhanievni rf vatandaşlığını almağa mecbur ete ediler

07 Mart 2023

Volodımır şeerindeki (rusiye) apishanede “Hizb ut-Tahrir” davasında 12 senege qanunsız olaraq maküm etilgen Qırımnıñ sakini Eskender Abdulhanievni rusiye vatandaşlığını almağa mecbur ete ediler. O red etken soñ onı apishaneniñ tamir binasına ketirdiler.

“Qırım birdemligi” içtimaiy birleşmesi bu aqqında haber berdi.

“Volodımırskıy tsentral” rus apishanesinde Abdulhanievni advokatı Alan Kaçmazov ziyaret etti.

-O, “Qırım birdemligine” haber berdi ki, siyasiy mabüsni rus vatandaşlığını almağa mecbur ete ediler ve tamir binasına ketirdiler. Tek nezaret ve ihtisasiy organlarına çoq şikâyet ve telefon etken soñ qorçalayıcı qırımtatarnı ziyaret ete bildi, – beyanatta yazıldı.

Qayd etildi ki, Abdulhanievniñ ukrain vesiqaları bar.

Advokatnıñ sözlerine köre, siyasiy mabüs tüşüne ki, tamam rf vatandaşlığından red etkeni içün onı bu binağa ketirdiler. Bu bina – tamir basamağında, anda pek suvuq. Tahminen eki ay anda Abdulhaniev buluna, onen beraber daa yedi insan bar.

Bildirildi ki, 2019 senesi kiçik aynıñ 14-ünde Qırımnıñ Kravnaya gvardiya rayonında rusiye tfh Eskender Abdulhaniev, Arsen Abhairov ve Rustem Emiruseinocnı tuttı. Hizb ut-Tahrir teşkilâtına ait olğanları içün olarnı 12 – 17 senelik müddetlerge maküm ettiler. Qırımtatarlar bildirdiler ki, tintüv vaqtında olarğa diniy edebiyatnı köterip-köterip attılar.