Siyasiy mabüs Emir-Usein Kuku ameliyat keçirgen soñ işğalciler onı tibbiy baquvsız qaldırdılar

24 Iyül 2023

Siyasiy mabüs, qırımtatar uquq qorçalayıcısı Emir-Usein Kukunıñ içegi astında ameliyat keçirilgen soñ ruslar iç bir tibbiy tevsiye bermediler, yani ameliyattan soñ meselelernen öz başına müstemlekede qaldırdılar.

Apayı Meryem Kuku bunı ZMINA insan aqları merkezine añlattı.

“Hastahaneden müstemlekege pek erte qaytarğanlar. Ameliyattan soñ eñ az 10-14 kündir ekimlerniñ nezareti astında bulunacaq edi. Müstemlekede oña askorbin turşunı yinelegenler ve tikişlerni çıqarğanlar”, – dep añlattı o.

Qırımtatar uquq qorçalayıcısınıñ diagnozı sebebinden diyeta tutmalı, amma bunı yapmaq içün rus müstemlekesinde iç bir şey esapq alınmaz. Adamğa ameliyat aqqında ne malümat, ne tibbiy tevisyeler berildi.

Yani ameliyattan soñ meselelernen öz başına müstemlekede qaldırdılar, dep apayı ayttı. Bunıñ içün o, qorantasını halstalığınen bağlı malümat ve tevsiyelerni internette qıdırmağa rica etmege mecbu qaldı.

Hatırlatamız ki, bozarğan aynıñ 21-inde Emir-Usein Kukunı Salavattaki rus müstemlekesinden hastahanege ketirdiler. Onıñ büyrekleri pek ağıra ediler. Diagnostika ceryanında ögrenildi ki, içeginiñ müim funktsiyaları bozuldı.

Bozarğan aynıñ 23-ünde qırımtatar uquq qorçalayıcısı acele hirurgik ameliyatnı yaşadı. Bundan soñ apayınıñ sözlerine köre, Salvattaki şeer hastahanesinden onı yazdırdılar ve yahşı alda Ufadaki hastahanege ketirdiler.