Siyasiy mabüs Ayder Cepparovnı rusiyeniñ Arhangelsk vilâyetindeki müstemlekege etap ettiler
![Siyasiy mabüs Ayder Cepparovnı rusiyeniñ Arhangelsk vilâyetindeki müstemlekege etap ettiler](https://qtmm.org/wp-content/uploads/2024/07/8034e1bb9564c515.jpg)
Qarasuvbazar rayonından kelgen ve 17 senege maküm etilgen müezzin Ayder Capparov, Arhangelsk vilâyetiniñ Korâjma şeerindeki 5. müstemlekege etap etildi.
Onıñ apayı Marharıta Capparova “Qırım birdemligi”ne bunı añlattı
Keçenlerde Çelâbinsk vilâyetibiñ Verhnöuralsk apishanesinde ceza müddetini keçirgen siyasiy mabüs, üç sene apishanede keçirecek edi. Lâkin, 2022 senesi bozarğan ayda apishaneniñ müdiri onı qabul etmege red etti, çünki bundan evel siyasiy mabüs üç sene SİZOda keçirdi, ve acelen müstemlekege yollanacaq edi. Faqat bu ceryan tek şimdi, eki seneden soñ yapıla.
Bu sene kiçik ayda Ayder ve Marharıtanıñ 13 yaşındaki oğlu Abdullah Capparov kanser hastalığından öldi. Siyasiy mabüs, öz oğlunıñ cenazesine kelip olamadı.