Şimaliy Qıbrız Türkiye Cumhuriyetiniñ esasçısı ve birinci Prezidenti

16 Yanvar 2012

Rauf Denktaş bütün ömürini qıbrızlı türklerniñ aq-uquqları içün küreşke bağışladı

2012 senesi yanvar 13 künü Şimaliy Qıbrız Türkiye Cumhuriyetiniñ esasçısı ve birinci Prezidenti (1983-2005 ss.) Rauf Denktaş 88 yaşında vefat etti.

Büyük içtimaiy-siyasiy ve devlet erbabı Rauf Denktaş bütün ömürini qıbrızlı türklerniñ aq-uquqları içün küreşke, bütün qıbrızlılar arasında barışıqlıq ve özara munasebetlerde stabillikni araştıruv işine bağışladı

Rauf Denktaşnıñ vefatı munasebetinen Qırımtatar halqınıñ Meclisi Şimaliy Qıbrız Türkiye Cumhuriyetiniñ bütün sakinlerine, merhumnıñ aqrabaları, yaqınları ve meslekdeşlerine teren taziyesini bildirip, baş sağlığını tiley.

2012 senesi yanvar 17-te Lefkoşa şeerinde Rauf Denktaşnıñ cenaze merasiminde Qırımtatar halqı Meclisiniñ reisi, Ukraina halq deputatı Mustafa Cemilev de iştirak etecek.