“Segodnâ” gazetası Qırımda öz vekâlethanesini açtı

20 December 2011

Milliy Meclis reisi, Ukraina halq deputatı Mustafa Cemilev “Segodnâ” gazetası Qırımda öz vekâlethanesini açqanı munasebetinen “Segodnâ Mültimedia” baş direktorı, şef-muarriri Gilyermo Şmitt tarafından onıñ taqdimine davet olundı.

Gilyermo Şmitt musafirlerni selâmlar eken, “Segodnâ” adlı içtimaiy-siyasiy gazetası Ukraina territoriyasında endi dört yıl devamında neşir olunğanı ve öz regional ofislerini Odessa, Kiyev, Donetsk, Harkov, Dnepropetrovsk şeerlerinde açqanı aqqında qayd etti. “Maliye buhran olğanı içün biz regionlarda vekâlethaneleriniñ açılması toqtatıldı. Amma bir şeyge baqmadan “Segodnâ” gazetasınıñ çıqarılması Ukrainanıñ büyük şeerlerinde devam etilecegi boyunca qarar çıqarıldı. Biz Qırımnıñ sakin ve musafirleri gazetamıznıñ şekilinde olğan denişmelerge qıymet keseceklerine eminmiz”, – dedi Gilyermo Şmit
Bu sene mayıs 19 kününden başlap “Segodnâ” – “Segodnâ Krım” bütünukrain gazetasınıñ lokal çıqarması çıqarılacaq. Er bir nomer üstünden baş muarrir Mayk Lvovski yolbaşçılığında olğan qırım ofisiniñ muarririyeti çalışa.