Ruslaştıruv ve yoq etüv – Çubarov Qırımdaki vaziyet aqqında

25 Iyün 2024

Şu anda vaqtınca işğal etilgen Qırımda ruslaştıruv ve yoq etüv ceryanı keçe. Kıyivde olğan Qırım platformasınıñ mütehassıslar ağınıñ Üçünci halqara forumında Qırımtatar Milliy Meclisiniñ başı Refat Çubarov bunı qayd etti.

“Umumen Qırımda rus işğalcileriniñ yapqanlarını eki söznen tesvir etmek mümkün – ruslaştıruv ve yoq etüv. İnsanlarnıñ turmuşı etrafında Qırımnıñ ruslaştırılması. Ruslaştıruv ceryanına uyğun olmağan er şeyni, birinciden tamır halqını yoq etüv. Olar bunı tüşünip çıqarmadılar. Olar, Qırımnıñ ilk aneksiyası devrinden, 240 seneden berli qırımtatar halqına qarşı yapılğan şeylerni yerine ketirmege isteyler”, – dep ayttı o.

Çubarov qayd etti ki, ukrain yarımadasında genç nesil büyük telüke astında buluna.

“Bu, insanlarnıñ birinciden balalarnıñ añındaki ruhiy deñişmelerdir. 11 senelik işğalniñ neticeleri bar. Ayrıca, ruslar genç nesilniñ, birinciden mektepçilerniñ añını deñiştirmege isteyler”, – dep qayd etti o.

Aynı zamanda Çubarov qayd etti ki, Qırım işğalden azat etilecek soñ vaqıt coymamaq ve insanlarğa uquqiy ve ruhiy boşluqqa qaytarmağa yardım etmek içün ve reintegratsiyanıñ ilk ayları ve seneleri devrinde olarnıñ ruhunı bozmamaq içün bugün areket etmelimiz.

“Bu, tek qırımtatarlar degil de, Ukrainanıñ Qırımnı işğalden azat etilmesini beklegen ve işğalni tanımağan yüzlerce biñ insanğa bağlıdır”, – dep qoştı o.Haber berilgenine köre, Qırımnıñ kognitiv reintegratsiyası 10 seneden çoq yañı nesilge devam etecek, dep Ukrinform bildirdi.