rusiyede makeme dört qırımtatarnı tevqif astında tutmağa qarar berdi

03 Fevral 2023

rus makemesi, “Hizb ut-Tahrir” davasında “ekinci Aqyar gruppası”nıñ faalcileriniñ tevqifine şikayetni red etti – saban (mart) ayınıñ 24-üne qadar tevqif astındadır.

“Qırım birdemligi” içtimaiy teşkilâtı bu aqqında haber berdi.

– moskva astındaki Vlasısta apelâtsiya arbiy makemesi, advokatnıñ birinci müessiseli makemeniñ Aqyar şeerinden qırımlı musulmanlarnı SİZOda tevqif müddetini uzatuv aqqında qararına apelâtsiya şikâyetini red etti, – dep teşkilât bildirdi.

Böylece, “Hizb ut-Tahrir” davasında “ekinci Aqyar gruppası”nıñ faalcileri – Zavur Abdulayev, Cebbar Bekirov, Rustem Murasov ve Rustem Tayirov saban (mart) ayınıñ 24-üne qadar tevqif astında olacaqlar.

Şu anda olar Rostov-na-Donudaki SİZOda bulunalar.

Bildirildi ki, “ekinci Aqyar gruppası”nıñ faalcilerini 30. maddeniñ 1. qısmı (Cinayetni azırlav ve cinayetni yapmağa tırışuv) ve 205.5. maddeniñ 2. qısmı (Terrocılıq teşkilâtında iştirak) içün qabaatlanalar. Maznunlar qabaatını red eteler ve terrorcılıq faaliyetini yapmağanlarını bildireler.

2021 senesi arman (avgust) ayınıñ 17-sinde Qırımdaki tintüvlerden soñ rus quvetçileri Zavur Abdulayev, Cebbar Bekirov, Rustem Murasov ve Rustem Tayirovnı tuttılar. Tutulğan er kes, siyasiy sebepli makeme ceryanlarını ziyaret ete, siyasiy mabüslerniñ ailelerini deste ete ediler