rusiye qırımtatarlarnı riayetkârsız bir halq olaraq tanıy – uquq qorçalayıcılar

30 Mart 2023

Rus reberligi añlay ki, keçken asır yarımadadan sürgün etilgen soñ qırımtatar halqı, böyle degen “rus düynası”nıñ qısmı olmağa istemey. “QırımSOS”nıñ idaresiniñ başı Oleksiy Tilnenko bunı bildirdi, dep QIRIM.News haber berdi.

O qoştı ki, Qırımda siyasiy mabüslerniñ çoqusı – qırımtatar halqınıñ vekilleridir.

– Men tasdıqlaya bilirim ki, şu anda Qırımda bulunğan siyasiy mabüslerniñ çoqusı qırımtatarlardır. 150 siyasiy mabüsten 110 kişi – qırımtatar halqınıñ vekilidir, – dep Tilnenko ayttı.

Tilnenko qayd etti ki, rusiyeniñ tutqanı grajdan reinelerni esirlikten azat etmek pek qıyındır. Deñişmeler çerçivesinde askerlerni azat etmek daa qolay ola. Şu anda şu cümleden işğal etilgen Qırımda tutulğan grajdan insanlarnı deñiştirüv ya da azat etüv semerelii mehanizmi yoq. 

Bundan ğayrı, Tilnenkonıñ sözlerine köre, grajdan reinelerniñ uquqiy yardımğa irişimi yoq, bulunğanları yerni, sağlığı ve başqa şeylerni aqrabalarına bildiremeyler.