Rusiya makemesi siyasiy mabüs Appaz Qurtametniñ ükümini deñiştirmeyip qaldırdı
![Rusiya makemesi siyasiy mabüs Appaz Qurtametniñ ükümini deñiştirmeyip qaldırdı](https://qtmm.org/wp-content/uploads/2022/08/299400789_5233531150075330_3612617265135358463_n.jpg)
Krasnodar şeerindeki umumiy uquqnıñ dörtünci kassatsiya makemesi, qırımtatar Appaz Qurtametniñ ükümini deñiştirmemege qarar berdi. Keçkende “Qırım” ukrain göñülli batalyonına para bergeni sebebinedn onı 7 senege maküm etti.
Qırım uquq qorçalayıcı gruppası bu aqqında haber berdi
2023 senesi çiçek ayınıñ 20. künü RF tarafından teşkil etilgen Aqmescitteki Kıyiv rayon makemesi, 2022 senesi oraq ayında Herson vilâyetinen memuriy sıñırında tutulğan Appaz Qurtametni 7 senege maküm etti.
2022 senesi oraq ayınıñ 23. künü Appaz Qurtamet Novooleksiyivka qasabasından Qırımğa aqrabalarına ketti. “Çonğar” KÇKNda aqrabalarınen bağını coydı. Deyerli üç ay devamınfa Appaz Qurtametniñ bulunğanı yer ve uquqiy statusı belli degil edi. Bundan ğayrı, adamnı tutuqanlarınıñ sebebi ve oña bildirilgen qabaat belli degil edi.
RF CQniñ 208. maddesiniñ 1. qısmına (silâlı birleşmege para berüv) binaen Appaznı cinaiyet yapmağa qabaatladılar. Qabaatlağan tarafnıñ sözlerine köre, “Appaz Qurtamet, “Qırım” islâm batalyonınıñ qanunsız faaliyetini bilip, bataylonnıñ vekiline 500 grivna yolladı”.