Rus müstemlekesinde siyasiy mabüs Timur İbrahimovnıñ közleri zayıf olalar

02 Noyabr 2022

Rus müstemlekesinde 17 senege “Hizb ut-Tahrir davası”nda maküm etilgen cemiyet jurnalisti Timur İbrahimovnıñ közleri zayıf olalar. Qırım birdemligi (Krımska Solidarnist) bu aqqında haber berdi.

Qayd etildi ki, rfnıñ Râzan vilâyetindeki müstemlekede apayı Dilâra Timurnen körüşti. Onıñ sözlerine köre, uymağan şartlar sebebinden onıñ közleri zayıflaşalar. Adamnıñ er vaqıt köz ilâçlarına ihtiyacı bar, amma müstemlekede tibbiy yardımnı alamay.

Haberdar etilgen kibi, 2017 senesi oktâbr ayınıñ 17-sinde Bağçasaray şeerinde telükesizlik federal hızmeti, altı qırımtatarnı (şu cümleden, Timur İbrahimov, Marlen Asanov, Memet Belâlov, Seyran Saliyev, Server Zekiryayev ve Ernes Ametov) tuttı. Olarnıñ Hizb ut-Tahrir islâm siyasiy fırqasınıñ faaliyetine ait olmaları içün qabaatlandı.