Rus müstemlekesinde qırım faalcisi İrına Danılovıç tibbiy yardım alamaz

25 Oktâbr 2023

Rus Zelenokumsktaki müstemlekeniñ memuriyeti, içtimaiy jurnalist ve emşire İrına Danılovıçnıñ tibbiy baqılmasını taqlit etti. Onıñ babası Bronislav Daılovıç bunı Qırım.Aqiqatqa añlattı.

Onıñ malümatına köre, qadınnı şeer poliklinikasına ketirdiler. Anda onıñ ögünde tibbiy işçi, tibbiy baquv kâğıtını toldurdı. Aynı zamanda poliklinika işçisi, hastanı soramadı, onıñ şikâyetlerini diñlemedi, onı baqmadı – sadece müstemlekeniñ tibbiy kartından bilgilerini yañıdan yazdı.

“Onı tedaviylemege taqlit etmege devam eteler, kerçekten de şikâyetler olmaması içün tek kâğıtlarnı toldurıp vesiqalaştırırlar. Menim qızıma ne normal baqtılar, ne tedaviyleyler. Prokurorlıqqa ve başqa müessiselerge şikâyet etecekmiz”, – dep Danılovıçnıñ babası bildirdi.

Danılovıç emşire olıp çalışa ve içtimaiy ağlarda saifesi bar edi. Bundan ğayrı, tibbiyetçilerniñ aqlarına ve işğal etilgen yarımadada sağlıq qorçalav meselelerine bağışlanğan bir qaç bloger saifesi içün yaza edi.