Rus ceza izolâtorında siyasiy mabüs Server Zekiryaev mecburen açlıq çeke

07 Mart 2023

Ay devamında Tula vilâyetindeki rus müstemlekesiniñ ceza izolâtorında qanunsız olaraq maküm etilgen qırımtatar siyasiy mabüsi ve çoq balalı baba olğan Server Zekiryaev tutula.

Apayı Zarema Zekiryaeva bu aqqında haber berdi, dep Ukraina Prezidentiniñ Qırım Muhtar Cumhuriyetinde vekilligi bildirdi.

– Aftada tek eki kere tuvar etinen aş bereler. Başqa zamanlarda ise tek domuz etini bereler. Biz elektron olaraq mekütpleşemiz. Telefon etmek içün ariza yazdı, amma oña izin bermediler, – dep Zarema hanım aqayınıñ şartlarını tefsir etti.

Bu, Ukraina vatandaşına basım degil, azaplar da, Çünki qanunsız olaraq apis etilgen qırımtatarğa ketirilgen aş, diniy qanunlarğa uyğun olmay. Bunıñ içün açılq çekmege mecbur oldı, dep prezidentniñ vekilligi qayd etti.

– Tek Qırımnıñ işğalden azat etilmesi, siyasiy maqsatlı cinaiy taqiplerni ve vatandaşlarımızğa qarşı cezalavlarnı soñuna ketirecek, ve tamır qırımtatar halqınıñ vekilleriniñ aqlarını bozmalarnı bitirecek, – beyanatta yazıldı.