Reşat Ametov – Qırım işğaliniñ ilk qurbanı

03 March 2025

2014 senesi kiçik aynıñ 28-nde Qırım Yuqarı Şurası ve Nazirler Şurası binaları rusiye işğalcileri zapt etilgen soñ Aqmescitli qurucı Reşat Ametov öz Facebook saifesinde şunı yazdı: “Tahminen Bazarertesi künü Nazirler Şurasına keterim, turma narazılığı. Ya siz NE???”

2014 senesi saban ayınıñ 3-nde Reşat Ametov, vade etkeni kibi, Qırımnıñ işğaline qarşı narazılıq köstermek içün Aqmescitniñ merkez meydanğa bir kişilik piketke çıqtı. Bu vaqıt meydanda çoq rus işğalcisi ve yerli kollaborant bar edi.

O, öz toprağında serbest olmağa aqqı bar olğanını açıqtan bildirdi. Bu cesür areketi sebebinden onı “Qırım öz-özüni mudafaa etüvi” taqımı tuttı. Onı maşnağa mindirip, belli olmağan yerge alıp kettiler. Bundan soñ o bağğa çıqmadı. Bu esnasnıñ videosı çekildi ve alâ daa internette bar.

39 yaşındaki Reşat Ametovnıñ cesedi 12 künden soñ, 2014 senesi saban ayınıñ 15-nde, Aqmescitten 60 km uzaqlıqta yerleşken Zemlânıçne köyünde tapıldı. O, bir qaç kere pıçaqlanğan, qaburğaları qırılğan edi, başı skotçnen bağlandı, közleri çıqarılğan, ayaqları ve elleri de buğavlarnen bağlanğan edi. İşğalli memuriyet, hırsızlavda iştirak etken şahıslarnı belgiledi, amma bu cinayetni taqiq etmege red etti.

2014 senesi saban ayınıñ 18-nde aman-aman eki biñ qırımtatar Reşat Ametovnı Abdal mezarlığında cenaze keçirmege keldi.

Reşat Ametovnıñ ikâyesi qırımtatar halqınıñ dayanıqlığını aks ete. Onıñ cesür areketleri bizge insan aqları, serbestlik ve adaletni qorçalamaq kerekligini hatırlata. Onıñ hatırasını saqlamaq, Qırımnı işğalden azat etmek ve Rusiye işğalcilerinden zarar körgenler içün adalet tiklemek içün elimizden kelgenini yapmaq kerekmiz.

Allah rahmet eylesin!