Refat Çubarov BMTnıñ tamır halqları meseleleri daimiy forumında söz ayttı

18 Aprel 2024

Nyü-Yorkta BMTnıñ tamır halqları meseleleri daimiy forumınıñ sessiyasında Qırımtatar Milliy Meclisiniñ başı Refat Çubarov Rusiyeniñ işğal etilgen Qırımdaki cinayetlerini hatırlattı. Şu cümleden, Meclisniñ başınıñ muavini ve siyasiy mabüs olğan Nariman Celâlnıñ rus apishanesine qanunsız tevqifini hatırlattı.

Çiçek ayınıñ 17-sinde Facebookta Refat Çubarov öz çıqışınıñ videosınen paylaştı.

– Rusiyeniñ Ukrainağa qarşı tecavuzı ve 2014 senesi kiçik-saban ayları devrinde Ukraina devletiniñ ayırılmaz toprağı olğan Qırımnıñ işğali sebebinden tamır qırımtatar halqını öz toprağını ve öz vaziyetine inkişaf ettirmege imkân almadı, – dep Meclisniñ başı qayd etti.

Çubarov bildirdi ki, Rusiye öz areketlerinen BMTnıñ Tamır halqları aqqında beyannamesiniñ 30. maddesini körmemezlikke ura.

– 2014 senesi kiçik-saban aylarında qırımtatar halqınıñ toprağı olğan Qırımnı işğal etip, Rusiye Rederatsiyası Qırımtatar Milliy Meclisini taqip etmege başladı, birazdan da faaliyetini yasaqladı. O zaman Meclis, qırımtatar halqınıñ vekâletli organı tanındı, – dep hatırlattı.

Çubarov, Qırımtatar Milliy Meclisiniñ başınıñ muavini Nariman Celâlnıñ qanunsız tevqifini de añlattı.

– Tamır qırımtatar halqınıñ vekilleriniñ çoqusı kibi öz torağı olğan tuvğan Qırımnıñ işğaline qarşilığını köstergeni sebebinden Qırımtatar Milliy Meclisiniñ başınıñ birinci muavini Nariman Celâl 17 senege maküm etilip apiske atıldı, – dep bildirdi.