Qurultay Teftiş komisyonınıñ nevbetteki toplaşuvı olıp keçti

05 Mayıs 2014

2014 senesi, mayıs 5-te VI Milliy Qurultay Teftiş komisyonınıñ toplaşuvı olıp keçti. Bu toplaşuvda eki mesele muzakere etildi. Birinci mesele Qurultayda, 29.03.2014 künü qabul etilgen qarar lâğu etilmegence, Milliy Meclis azası Enver Qurtiyevniñ Milliy Mecliste işini toqtatqanını bildirgen arizasınen alâqalı edi. İşbu ariza Teftiş komisyonına Milliy Meclis Reisinden yollanılıp keldi.

Teftiş komisyonı, meseleni muzakere etken soñ, böyle narazılıq kösterilüv şeklini doğru tanımadı, çünki böyle motivatsiyalı arizanıñ taqdim etilmesi ancaq “Meclis azalarınıñ, öz istekleri ile, Qurultay sessiyasında yazılı ariza bermek yolunen Meclis erkânından çıqmaq aqları bar” degen ameldeki Milliy Qurultay İş tertibiniñ 6.7 maddesine köre mümkündir.

Sessiyağace ise, Milliy Meclisniñ er bir azası çeşit meselelerde Meclis azalarınınıñ çoqusından farqlı körüşte olsa, ya da farqlı körüşni mudafaa etse bile, üstüne onı saylağan Qurultay vekilleri tarafından yüklegen vazifelerni insafnen yerine ketirmeli.

Kün tertibiniñ ekinci meselesi Milliy Mecliske Meclisniñ muayyen qararlarınıñ yerine ketirilmesi ve olarnıñ ayatqa keçirilmesine nezaret etilmesi içün mahsus muvaqqat iş komitetlerni peyda etmege tevsiye etken muracaat leyihasınen alâqalı edi. Muzakeden soñ, Teftiş komisyonı azalırı çoqusınıñ reyinen bu maracaat leyihasını daa bir kere işlep çıqmaq ve komisyonnıñ nevbetteki toplaşuvında qabul etmek qararı alındı.