Qurultay Merkeziy saylav komissiyası saylavlar başlanğanı aqqında ilân etti

18 February 2013

Qırımtatar halqı Qurultayına delegatlar saylav boyunca Merkeziy saylav komissiyası özüniñ nevbetteki toplaşuvında Aqmeçit, Bağçasaray, Qurman, Aqyar, Qarasuvbazar, Canköy ve İçki regionlarında saylavlar başlanğanını 2013 senesi fevral 15-te alınğan №5 qararda qayd etti.

Taqvimiy planlar boyunca Qırımtatar halqı Qurultayına delegatlarnı saylav ceryanı:

Bağçasaray, Qurman ve Aqmeçit regionlarında – 2013 senesi fevral 25-te;

Aqyar, Canköy, Qarasuvbazar ve İçki regionlarında – 2013 senesi fevral 26-da başlanacaq
 

Qırımtatar halqınıñ Qurultayına saylav (rey berüv):

Bağçasaray, Qurman ve Aqmeçit regionlarında – 2013 senesi aprel 27-de

Aqyar, Canköy, Qarasuvbazar ve İçki regionlarında – 2013 senesi aprel 28 künü olacaq.