Qurultay ilk defa ATR telekanalında canlı şekilde yayınlana

21 Iyül 2012

Birinci mustaqil qırımtatar televizion kanalı ATR V Qurultay 4-nci sessiyasınıñ ketişatını canlı şekilde köstere.

2012 senesi iyül 21- künü Aqmescitte V Qurultay 4-nci sessiyası öz işini başladı.

ATR telekanalınıñ kreativ direktorı Ayder Muradosilov aytqanına köre Qurultay sessiyasında 9 kamera ve kanalnıñ 20 hadimi çalışmaqta.

Canlı yayın – Qurultay tarihında birinci kere yapılmaqta. ATR Telekanalınıñ jurnalistleri Qurultay delegatları ve musafirlernen canlı subetler keçirmekteler, – dedi A.Muradasılov. – Signal bir kereden yoldaşqa yollanıla ve bunıñ sayesinde qurultaynıñ işini Ukraina ve dünyanıñ bir çoq ülkelerinde közetmek imkânı bar”.

Şunı hatırlatamız ki, 2012 senesi iyül 21-22 künleri Aqmescitte V Qurultay 4-nci sessiyası keçmekte. 2 kün devam qurultayda delegatlar Qırımtatar halqı V çağırılış Qurultayına delegatlarnı saylav akqqında, 2012 senesi oktâbr 28-de olacaq Ukraina halq deputatlarını saylav, milliy gimn aqqında, Qırımtatar halqı Qurultayına delegatlarnı saylav boyunca Merkeziy saylav komissiyasınıñ erkânını seçüv aqqında kibi meselelerni muzakere etecekler.

Qurultaynıñ işinde 200 delegat, Ukrainada akkreditatsiyadan keçken diplomatik eyyetlerniñ, halqara teşkilâtlar, Ukraina ve Qırım ükümetiniñ, bunıñ kibi de Amerika, Türkiye ve Romaniyadaki diasporanıñ vekilleri iştirak etmekteler.