Qurultay delegatları Qırımtatar halqı Meclisiniñ reisini gizli rey berüv şekilinde saylamaqtalar

27 Oktâbr 2013

2013 senesi oktâbr 27 künü Qurultay delegatları Meclis reisini saylav boyunca gizli rey bermek içün Esap komissiyası tarafından azırlanılğan bülletenler şekilini tasdiqlağan soñ Meclis reisini gizli rey berüv yolunen saylamağa kiriştiler.

Esap komissiyasınıñ reisi Lemmar Yunusov bildirgenine köre rey bermek içün 248 bülleten azırlanıldı.

Qurultay delegatları elifbe tertibinde Esap komissiyası azalarından bülletenlerini alıp, cedvelde imza qoyalar ve bundan soñ gizli rey bermek içün kabinalarda rey bereler.

Salonda bulunğan kütleviy matbuat vastalarınıñ vekilleri Esap komissiya azalarınen beraber rey berüv ketişatını közeteler.

Saat 15.30-da rey berüv yekünlendi ve Esap komissiyasınıñ azaları rey berüv neticelerine yekünlerini saymaq içün çekildiler.