Qurban Bayramıñız Mubarek olsun!

14 Oktâbr 2013

Sayğılı dindaşlar, aziz vatandaşlar!
 

Epimiz içün ulu ve muqaddes olğan Qurban-Bayram munasebeti ile bu samimiy hayırlavlarımız ve tileklerimizni qabul etersiñiz, degen ümüttemiz!

Bunıñnen beraber, özüñiz ve qorantañız daima sağ-selâmet olıp, etrafıñızda sevgi-muabbetlik, quvanç ve barlıq müiti üküm sürgenini can-göñlünden istermiz.

Alla-Taalâ milletimizniñ kelecegini aydınlıqqa toldursın ve bütün asriy arzularını yerine ketirsin, epiñizniñ tutqan alicenap işleriñizde yardımcı olsun!

Qırımtatar Milliy Meclisi