Qırımtatarlarğa Vatanına qaytmağa yasaq etken ruyakâr emirniñ 55. yıllığı

05 Sentâbr 2022

 55 sene evel yani 1967 senesi sentâbr ayınıñ 5-inde şscbniñ yuqarı şurasınıñ prezidiyası «О гражданах татарской национальности, проживавших в Крыму» (‘Qırımda yaşağan tatar vatandaşları aqqında’) ruyakâr emrini berdi. Akimiyet, qırımtatarlarnıñ sürgünligini cinayet olaraq tanımadı ve olarğa tarihiy vatanına qaytmağa izin bermedi.

Vesiqa o şekilde qabul etildi ki, o, vatandaşları içün şura devletiniñ daa bir yalan timsali oldı ve şura rejiminiñ qırımtatarlarğa dair cinaiy siyasetini devam etti, dep Армія.İnform añlata. Qırımtatarlarnı öz milletinden marum etken vesiqanıñ metninde bunı körmek mümkün. Emirde qırımtatar halqı degil, ‘Qırımda yaşağan tatar milletli vatandaşlar’ añıla.

Emir qırımtatarlarğa Qırımğa qaytmağa izin bermey edi. Vesiqanıñ 2. maddesinde qayd etile ki, keçenlerde Qırımda yaşağan tatarlar, şscb vatandaşlarınıñ bütün aqlarına saip olğanları Özbekistan ve diger cumhuriyetlerniñ topraqlarında tamır ettiler.

Emir yayınlanğanda qırımtatarlarnıñ çalışqanları teşkilâtlar, müessiseler ve işhanelerdeki toplaşuvlarda tamır halqınıñ temsilcileri Qırımğa qaytmağa daa tırışsalar, repressiyalarnen qorqutula ediler. Evine qaytarma meselesini bildirmege tırışqan er kes milletçi olaraq ilân etile ediler, öz başına köçip kelgenler ise taqip etilip keçken mahsus yerlerine qaytarıla ediler, daa bir kere Qırım yarımadasına qaytmağa tırışsalar, epis etile ediler.