Qırımtatarlarğa qarşı provokatsiyalar Qırımtatar halqı VI çağırılış Qurultayınıñ 1-nci sesiyasında muzakere etilecek

23 Oktâbr 2013

Oktâbr 22 künü bellisiz şahıslar Aqmescitteki Balaklavskaya soqağındaki muvaqqat evçikni yaqtılar.

Bu aqta Meclis Kâtibiyetiniñ başı Zair Smedlâyev narazılıq tarla sakinleriniñ bildirüvlerine esaslanaraq haber etti. Belli olğanına könre muvaqqat qurulmalardan birisine benzin töküp yaqqan ve cinayet yapılğan yerden qaçqanlar.

Meclis Kâtibiyetiniñ başı Zair Smedlâyevniñ tahmin etkenine köre “Olar başta camini yaqmaq maqsadında ediler”, amma cami yanında nevbetçilik yapqan insanlardan saqınğanlar. İşte olar cinayetçilerniñ artından çapqanlar. Kâtibiyet müdiri bu maqsadlı bir fesat olıp, keçenlerde camiler yaqılmasınıñ devamıdır.

“Bu yaquvlar – Qırımda vaziyetni sallamaq, kerginlik qozğamaq içün yapılğan nevbetteki fesattır, – dedi Z. Smedlâyev. – Molodöjnoye qasabasındaki yağmalar, Cuma cami qurulacaq tarladaki yaquvlar, Qurban bayramı arfesinde camiler yaqılması, Aqmeçet qasabasında cemaat merkeziniñ yaqılması bir zıncırnıñ alqalarıdır. Bütün bu areketlerden birden-bir maqsad Qırımnı milletlerara ve dinlerara qapa-qarşılıqqa süyremektir”.

Bu fesat Qurultay arfesinde yapılamı, degen sualge Zair Smedlâyev: “Yoq. Bu areketler endi çoqtan başlandı. Bütün bu areketler devam etkeniniñ bir sebebi şundaki ki cinayetlerniñ iç birisi açılmadı, qabaatlılar mesülietke çekilmedi”.

Zair Smedlâyev qayd etti ki, bu vaziyetniñ taqiq etilmesi içün Meclis uquqqoruv organlarına muracaat etmek meramında. Bunıñ kibi de Qırımtatarlarğa qarşı provokatsiyalar Qırımtatar halqı VI çağırılış Qurultayınıñ 1-nci sesiyasında muzakere etilecek.