Qırımtatar qadınlar birliginiñ reisi Safinar Cemileva Türkiye baş naziriniñ refiqası Emine Erdoğannı Qırım toprağında selâmlad

14 September 2012

2012 senesi sentâbr 14-te Türkiye Cumhuriyeti Recep Tayip Erdoğan iştirak etken Yalta Avropa Strategiyası (YES) 9-ncı forumınıñ birinci künü Qırımtatar qadınlar birliginiñ reisi Safinar Cemileva Türkiye baş naziriniñ refiqası Emine Erdoğannen körüşti.

Ukraina Prezidenti Viktor Yanukoviç ve Türkiye Cumhuriyetiniñ baş naziri Recep Tayip Erdoğannıñ selâmlavlarından, bunıñ kibi de Ukraina ve dünyadaki siyasiy ve iqtisadiy vaziyetke dair ilk munaqaşadan soñ Poloniyanıñ sabıq prezidenti Aleksandr Kvasnevskiy Ukraina Prezidenti Viktor Yanukoviç ve Türkiye Cumhuriyetiniñ baş naziri Recep Tayip Erdoğan arasında fikir paylaşuv moderatorı olaraq Ukrainanıñ Avropa Birligine kirmesi meselelerinde de toqtaldı.

Forum açılışınıñ Livadiya sarayında keçken birinci qısmı yekünlengen soñ Safinar hanım Cemileva Türkiye baş naziriniñ refiqası Emine Erdoğan ve qızı Sümeyyye Erdoğannı Qırım toprağında selâmladı. Qırımtatar qadınlar birliginiñ reisi Safinar Cemilevanen beraber Qırımtatar qadınlar birliginiñ azası Zarema Menseitova ve Qırımtatar halqı Meclisi reisiniñ yardımcısı Liliya Müslimova bulundılar.

Belli ki, 2003 senesi Türkiye Cumhuriyetiniñ Baş naziri Recep Tayip Erdoğannıñ Qırımğa resmiy ziyareti çerçivesinde Safinar hanım Cemileva Türkiye Cumhuriyetiniñ Baş naziri Recep Tayip Erdoğannıñ refiqası içün Qırımnen medeniy-tanıştıruv programması teşkil etken edi.

Emine hanım Erdoğan Safinar hanım Cemilevanıñ refaqatlığında Qırımnıñ seyir etmege lâyıq degerliklerini, tarihiy yadikârlıqlarını ziyaret etip, Qırımtatar qadınlar birliginiñ ofisinde de bulunğan edi.