Qırımtatar olaraq Noman Çelebicihan adında batalyonda sanki iştirak etmesi içün 10 senege qanunsız olaraq epis etildi

07 Sentâbr 2022

Qırımtatar Arsen İbrahimov Noman Çelebicihan adına qırımtatar batalyonında sanki iştirak etmesi içün 10 senege qanunsız olaraq epis etildi. KrımSOSnıñ analitikacısı Yevhen Yaroşenko bu aqqında haberdar etti. 

– Arsen İbrahimovnıñ epis etilmesiniñ siyasiy sebebi bar. Erkek 10 senege maküm etildi. Şu anda o, Aqmescit taqiqatçı izolâtorında buluna, – dep Yevheniy Yaroşenko ayttı.

KrımSOSnıñ ögrengenine köre, 2022 senesi aprel ayınıñ 6-sında Herson vilâyeti ve Qırım MC arasındaki memuriy sıñırda Arsen İbrahimov qanunsız olaraq tutuldı. Avgust ayınıñ 25-inde böyle degen Aqmescit şeeriniñ Kıyüv rayonındaki makeme qırımtatar Arsen İbrahimovğa Noma Çelebicihan adına qırımtatar batalyonında sanki iştirak etmesi içün üküm çıqardı. Arsen İbrahimov faalci olmay, qırımtatar numayışlarında iştirak etmey ve bütün çıqarılğan qabaatnı isbatlay edi.

– Rus işğal akimiyeti qırımtatarlarğa Herson vilâtetinde bu tür ‘Qırımnıñ blokadası’ içün intiqam etmek içün ‘Noma Çelebicihan adına batalyon’ davasını qullana bilir. Bundan ğayrı, batalyonnıñ maqsadınıñ yarımadanı işğalden azat etmek olğanı içün rf, Noman Çelebicihan adına batalyonda sanki iştirak içün tevqiflerni aqlay, – dep Yaroşenko añlata.

Şu anda Noman Çelebicihan adına qırımtatar batalyonında sanki iştirak içün eñ az 16 kişi (olarnıñ fevral ayınıñ 24-ünden soñ) qabaatlanıp epis etildi. 2022 senesi iyün ayınıñ 1-inde rf yuqarı makemesi mezkür batalyonnı terror bir teşkilât olaraq tanıdı.