Qırımtatar Milliy Meclisi, Qırımnıñ sakinlerini faaliyeti qanunsız ve cinaiy olğan yerli müessiselerde çalışmağa qaçınmağa çağıra

09 Dekabr 2022

Foto: Arhiv

Qırımda rus işğal akimiyeti, yarımadanıñ sakinlerini, şu cümleden rus işğalini tanımağan ve öz toprqağına ve Ukraina devletine sadıq olğan qırımtatarlarnı öz cinayertleriniñ iştirakçilerini yaptırmağa ıntıla.
2022 senesi aprel ayında Aqmescit rayonınıñ bazı sakinleri bu tür beyanatlarnı (fotoresimge baqıñız) aldılar.

Aqmescit rayonı memueriyetiniñ yollağanı mektüplerde itirazsız tarzda bildirildi ki, bu mektüpni alıcı «Aqmescit makemesiniñ ant oturışçısına namzet esas cedveline kirsetildi».

Aynı zamanda insannıñ bu tür «iş»ni sanki red ete bilgeni sebepler arasında insanlarnıñ işğal cinaiy akimiyetine hızmet etmege istememesi mevcut olmay.

İşğal etilgen Qırmda bildirüvlerge köre, keçenlerde Qırımnıñ farqlı rayonlarınıñ sakinleri bu tür beyanatnı almağa başladılar. Anda işğalcilerniñ, qanunsız ve cinaiy olaraq yaratılğan makemelerniñ terkibini «yañartmağa» ihtiyacı peyda oldı.

Keçenlerde Qırımtatar Milliy Meclisi, Qırımnıñ sakinlerini faaliyeti qanunsız ve cinaiy olğan yerli müessiselerde çalışmağa qaçınmağa çoq kere çağırdı.

Elbette, rus işğalcileriniñ Qırımda yaratqanları bütün makemeler, cinaiy müessiseler olaraq sayılır.