Qırımtatar Milliy Meclisi azalarınıñ Avropa Birligi memleketleri, Amerika Qoşma Devletleri ve Türkiyedeki qırımtatar dernekleri yolbaşçılarınen muşaveresi ötkerilecek

29 April 2013

2013 sene 4 mayısta Aqmescitte, Qırımtatar Milliy Meclisi azalarınıñ Avropa Birligi memleketleri, Amerika Qoşma Devletleri ve Türkiyedeki qırımtatar dernekleri yolbaşçılarınen muşaveresi ötkerilecek.

Saat 11.00-de başlanacaq bu muşaverede, qırımtatar halqınıñ vaziyeti muzakere olunacaq, onıñ haq-uquqları tiklenilmesi oğrunda keskin turğan meseleler baqılacaq ve olarnıñ çezilmesine doğrulanğan areketlernen bağlı qararlar alınacaq.

Media vekilleri tek tedbirniñ açılışında ve Qırımtatar Milliy Meclis reisi Mustafa Abducemiloğlunıñ kiriş sözü vaqtında iştirak etecekler.

Muşavere bitkeninen Mustafa Abducemiloğlu ve diaspora teşkilâtları yolbaşçılarınıñ brifingi olacaq.