Qırımtatar halqınıñ VI çağırılış Qurultayı 1-nci sessiyası keçirilecek kün belgilendi

15 Avgust 2013

Qırımtatar halqınıñ VI çağırılış Qurultayı 1-nci sessiyasını keçirüv aqqında

Milliy Meclisniñ qararı
 

2013 senesi avgust 15                                                              Aqmescit ş.

Qurultay Merkeziy saylav komissiyası reisi Zair Smedlâyevniñ Qırımtatar halqınıñ VI çağırılış Qurultayı delegatlarını saylav neticeleri boyunca, Qurultay reglamentiniñ 3.1 ve 3.3. maddelerine ve Meclis aqqında nizamnameniñ 4.2 maddesine binaen

Qırımtatar halqınıñ Meclisi qarar bere:

1. Qırımtatar halqınıñ VI çağırılış Qurultayı 1-nci sessiyası 2013 senesi oktâbr 26-27 künleri keçirilsin

2. Qırımtatar halqınıñ VI çağırılış Qurultayı 1-nci sessiyasını azırlav ve keçirüv boyunca teşkiliy hızmetke 2013 senesi oktâbr 1-ge qadar Meclis tarafından tasdiqlanılması içün Qırımtatar halqınıñ VI çağırılış Qurultayı 1-nci sessiyasınıñ tahminiy tertibi ve kün tertibini taqdim etmek avale etilsin.

3. Qırımtatar halqınıñ VI çağırılış Qurultayı 1-nci sessiyasını azırlav ve keçirüv boyunca teşkiliy hızmetke sessiya başlanmasına 15 kün qalmasından keç olmağan müddette Qurultay delegatlarına sessiyanıñ Meclis tarafından tasdiqlanğan kün tertibi, Teşkiliy hızmetniñ toplaşuvında muzakere etilgen ve delegatlarnıñ diqqatına tevsiye etilgen diger vesiqalarnı yollamaq avale etilsin.
 

Qırımtatar Milliy Meclisiniñ reisi          Mustafa Cemilev