Qırımtatar halqınıñ özüni belgilev aqqını amelge keçirüv meselesi, bunıñ kibi de Qırımda meydanğa kelgen vaziyette Meclis yapacaq areketleri yaqın vaqıtta ötkerilecek VI çağırılış Qurultaynıñ 2-nci sessiyasında muzakere etilecek

23 Mart 2014

Bir sıra kütleviy matbuat vastalarında “qırımtatar aktivistlerniñ” qırımtatarlarnıñ milliy azatlıq areketini canlandırmaq maqsadı aqqındaki haber tarqatılması munasebetinen Meclisniñ matbuat hızmeti bildire ki:
1. Mezkür beyanatlar Qırımtatar halqı Meclisiniñ ne faaliyetine, ne de qararlarına iç bir türlü alıp berecegi yoqtır. 

2.Mezkür beyanatlar kendisini qırımtatarlarnıñ matem mitingleriniñ qararları boyunca işçi gruppasınıñ reisi olaraq köstergen Nedim Halilovnıñ
şahsiy fikiridir.

3. Qırımtatar halqınıñ özüni belgilev aqqını amelge keçirüv meselesi, bunıñ kibi de Qırımda meydanğa kelgen vaziyette Meclis yapacaq areketleri yaqın vaqıtta ötkerilecek VI çağırılış Qurultaynıñ 2-nci sessiyasında muzakere etilecek. 
Bundan kelip çıqaraq, jurnalistler ve kütleviy matbuat vastalarınıñ muarrirlerine muracaatta bulunıp, bu mürekkep zamanda ayrı şahıslarnıñ beyanatlarından sensatsiya yapmamağa çağıramız.

Qırımtatar halqınıñ Meclisi kütleviy matbuat vastaları ve müim vaqiaları muzakere etmek, dialog qurmaq içün daima açıqtır.