Qırımtatar halqınıñ lideri, Ukraina halq deputatı Mustafa Cemilev iş ziyaretinen Brüsselge (Belçika) ketti

14 Mart 2014

Ziyaret çerçivesinde mart 14 künü NATO Baş kâtibiniñ muavini Aleksandr Verşbou, Avropa Birliginiñ tışqı siyaset boyunca Aliy vekiliniñ yardımcısı Pyer Vimont ve NATO azaları olğagn devletlerniñ elçilerinen körüşüvler keçirilmesi planlaştırıla.

Bundan da ğayrı iş ziyaret devamında Mustafa Cemilev Ukrainanıñ Belçika Qırallığı ve Lüksemburgda Vefqulade ve toluvekâletli elçisi, NATOda Ukraina elçiliginiñ başı İgor Dolgov ile körüşecek.

Körüşüvlerde Qırım ve Qırım etrafındaki siyasiy inqiraz çeziminiñ tınç yolları muzakere etilecek.