Qırımtatar halqı Meclisiniñ reisi Mustafa Cemilevniñ Yılbaş televizion hayırlavı

03 January 2013

İşte, ömrümüzün daha bir yılı keçti ve dünyanın büyük kısmıda qullanılğan taqvime köre 2013 yılın bosağasındayız.

Keçken yıl içerisinde neler becerdik veya becerip olamadıq, nasıl qayıplarımız oldu, yanı halkımızın durumunen bağlı esas vakialarnı közden keçirmek, önümüzdeki yılda beklentilerimiz, planlarımız hususta birkaç söz söylemek isteyim.

Halqımızın dıqqatının merkezinde olğan meselelerden birisi, elbette sürgünlükke uğratılğan milletlerin ve toplumların haq-huquqlarını iade etilmesi hususta qanun tasarısınen bağlı olup keçken vaqıyalar edi. Bildiğiniz kibi bu qanun tasarısı Ukrayna parlamentosunda iki kere bakıldı. Birinci sefer parlamentonun çoğunluğu tarafından bu qanunğa yeterli qadar oy verilmedi. Bundan da ğayrı, bu mesele bakıldığı zaman Komünist partisinin rehberi tarafından milletimizge qarşı Stalin zamanında qullanılğan iftiralar ve haqaretler atıldı. Bu halqımızın tarafından çok protestolarğa sebep oldu, ama çoq yazıq, buna qarşı devlet rehberlerin tarafından hiç ses-soluq çıqmadı. Bundan sonra devlet rehberlerinen, çeşit diplomatlarnen, uluslararası teşkilatlarnen körüşmelerimiz ve müzakerelerimiz oldu. Ve nihayet bir ay sonra, 20 Haziranda bu qanun ikinci kere baqıldığı zaman ilk oquma şekilinde oy çoğunluğunen qabül etildi. Tamamile qanun olaraq qabül edilmesi için bu tasarı daha bir kere parlamentoda baqılacak ve sonra cumhurbaşkanın imzasına verilecektir. İnşallah 2013 yılı içerisinde bunu da başarıp oluruz.

Bu qanun qabül edilmekle beraber bizim hep huquqiy meselelerimiz çözülmeyecek, ama bu önemli bir basamaq olacaqtır. Qabül etildiği taqdirde haqımızın sosyal durumunda bazı qolaylıqlar olacaq, 1944 yılın sürgünü nihayet resmen cinayet olaraq tanılacaq, sürgün zamanından qalğan dedelerimizi evleri qaytarılıp verilecek veya oların fiyatları dedelerizizden ve, en önemlisi, şeherlerimizge, köy-kasabalarımızğa eski tarihi adlar verşlecek. Eminim ki, bu qanun Qırım yarımadasında milletlerarası ilişkiler biraz daha yumşatılmasına bir vesile olacaqtır. Bundan ğayrı 2013 yılında Ukrayna devletinin etnopolitik konseptı hususta qanun qabül etilmesi için çalışmalar yapılacaqtır. Bu qanun da bizim için muhim, çünki o zaman Qırım Tatarları Ukrayna’nın tamır halqı olaraq tanılacak ve buna köre uluslararası qaıdelerge köre daha birqaç sorunlarımız tezce çözülmesine yollar açılacaqtır.

2012 yılın sonbaharında 28 Ekimde, hem halqımız için ve hem de tüm devlet için çoq önemli olğan parlamento seçimleri keçti. Bu seçimlerde hiçbir siyasi quvvet, hiçbir siyasi parti tam istediği ve ümit ettiği qadar oy almadı. Biz desteklediğimiz milli-demokratik quvvetlerin beklentileri de yerine kelmedi. Ama bu seçinlerin neticesinde bizim yüzümüz qızarmadı. Halqımız istediğimiz qadar aktif iştirak etmese bile, seçim qutularına kelip bületenlerin atqan soydaşlarımızın büyük çoğunluğu milli Qurultayımızın tavsiyelerine köre oy verdi ve böylelikle halqımızın arasında birlik yüksek seviyede olduğunu daha bir kere tasdıqlandı. Hep saylavlarda iştiraq etken ve Qurultayımızın qararlarına köre davranğan soydaşlarımıza derin teşekkürlerimi bildirmek isteyim, çünki esas olaraq bu insanlarımızın sayesinde Qırım Tatar halqı vatanımızda önemli siyasi quvvet olduğunu köstermeğe devam etmektedir.

Evvelki yıllarda olduğu kibi, keçken yılda da yerli hakimiyetin halqımızğa qarşı şovenistik davranışları devam etti. Otonom cumhuriyetin yönetiminde Qırım Tatarların sayısı nufusümüzge köre birkaç kere az olduğuna rağmen bu sene oların sayısı daha azaldı. İşten boşatılğan insanlarımız yerine bunlar kendi adamlarını, esas olarak Donetsk tarafında ketirilgen heriflerni yerleştirdiler.

Çeşit şovenist gruplar tarafından provokasyonlar, vandalizm hareketleri yapıldı. Birkaç yerlerde – Karasupazar, Pervomaysk, Leninski, Akmescit rayonlarında mezarlıklarımız haramlandı, duvarlarda halqımızğa qarşı pis kelimeler yazıldı, basında, internette, diğer yayın oranlarında halkımızğa ğarşı iftiralar, hakaretler devam etmektedir. Bu cinayetler hususta yerli organlar tarafından kerekli araştırnalar yapılmadı ve hiç kimse cezalandırmadı.

Keçken yılın sonki ayında daha bir tehlikeli vakiya olup keçti. 1 Aralık gece saat 2 lerde kendilerini ‘kazak’ adını koyğan kimseler Molodöjnoye kasabasına bizim vatandaşlarımızın ‘samostroy’una hucum ettiler ve 100 ge yakın vatanşaşlarımızın ‘vremanka’larını yıktılar, insanlarımızğa büyük maddi zarar ketirdiler. Bu vakiyanın en tehlikeli ve iğrenç tarafı şu ki, bu cinayet yerli militsiyasının desteği ve yardımınen oldu.

Böyle davranışlar belli sınırları keçerse hiç kimse bu topraqfa milletlerarası çatışmalar çıqmayacağına ve qan dçkülmeyeceğine garanti veremez. Böyle facialı olaylar olmaması için bizim vatandaşlarımız çok aktiv, nizamnen ve beraberlikle davranmalı kerek olacaqtır.

Halqımızın çoqtan çoq sosyal problemleri var, ama bu problemlerin çözmek için devlet tarafından sonki yıllar devamında pratik olaraq hiç bir önemli adımlar yapılmay demek mümkün. 2012 senesinde halkımızın sosyal problemine oldu olacak 25 milyon grivna ayrıldı ve onun da yalnız üçte biri pratik olarak veridi. Reskonnats tarafından bu qonuda protestolar olmasın diye Milli Meclis tayin etken Komitet reisi Edem Dudakov’nı işten çıkarıp onun yerine ne olsa olsun sesin çıqarmayacak, daima ‘naçalniklerin’ dediğini yapacaq kimseni tayın ettiler. 2013 yılına ise bir ay evvel qabül etilgen devlet bütçesinde köre yalnız 10 milyon grivna civarında para ayrılacak. Bu parağa tek bir mektebin dörtte birini bile qurmaq mümkün değil. Böyle ufaq raqam bağımsız Ukrayna devletinin yıllıq bütçesinde daha hiç zaman daha kösterilmeğen edi. Yani, devletmeseleler,mizni çözmek vazifesinden tamamile çekildi demek mümkün.

Ukrayna devleti halqımızın hep sorunlarını tek başına çözüp olamadığı veya istemediği sebebinden biz daha 2010 yılında keçirdüğimiz Qurultayda Qırım Tatar halqının huquqıy ve sosyal meselelerini çözülmesine mevzuda bir uluslarası forum keçirmek için çalışmalar yapılması hususta qarar alğan edik. İşte keçken yılın devamında da bu yolda çalışmalarımız devam etti. Birqaç Avrupa devletlerine, Amerika ve Kanada’ya ziyaretlerimiz, devlet adamlarınen körüşmelerimiz oldu, Milli Meclisimizin ofisinde de birçoq diplomatları kelip ketti. Üç ay evvel Kiev’de biz hep Ukrayna’da akkreditatsiyaları olğan Avrupa, Amerika, Kanada ve bizim soydaşlarımız yaşağan diğer devletlerin elçilerinen, uluslararası teşkilatların rehberlerinen bu qonuda ikinci toplantımızı keçirdik.

Sağ olsunlar, Rusya elçisinden ğayrı, hep davet ettiğimiz diplomatlar bu toplantığa qatıldılar, kendi fikirlerini ve tekliflerini söylediler. Neticede, böyle Forum Kiev’de Avrupa Güvensizlık ve İşbirlik Teşkilatının (ОБСЕ) rehberliğinde keçirilmesi hususta qarar alındı. Bundan da ğayrı, Norvegiya devleti tarafından ayrılğan 180 bin Euro paraya Qırım Tatar halqının hep huquqü ve ekonomik problemleri hususta araştırmalar yapmaq ve kerekli raporlar hazırlamaq için 5 tane komisyon quruldu. Bu komisyonlar artıq çalışmalarını tamamladılar ve iki ay sonra, 2013 yılın Şubat veya Mart ayında kendi raporların prezentatsiyalarını yapacaqlar. Şimdi ortada olğan esas mesele, Ukrayna devlet rehberlerin veya temsilcilerin bu Forum’da iştiraq eteceği veya etmeyeceğidir. Bu mesele, elbette, çoq mühim, çünki Ukrayna teklif etilgen yardımı qabül etmeyecek olsa, durum çoq iyi olmayacaq. Ama, inşallah, Ukrayna devletinden bu konuda müspet cevap kelecektir.

2012 yılın devamında Türkiye Cumhuriyetinin rehberlerinen ve devlet adamlarınen de sıqı bağlantılarımız ve önemli müzakerelerimiz oldu.

Türkiye başbaqanı R.T.Erdoğan’ın Qırım ziyareti esnasında da halqımızın esas sorunları közden keçirildi. Kelecek yilda, eger Ukrayna tarafından nasıldır engeller olmasa, Türkiye’nin yardımınen Akmescit’te Büyük cami ve 7-8 qatlı Qırım Tatar medeniyet merkezi, Qırım sanayı-Pedagojik Üniversite için yatakhaneler binası, spor salonu, bırkaç soydailarımız toplu yaşağan yerlerde m,ll, mektepler inşaatları başlanacaq. Böyle zor durumda halqımıza yardım elini uzatqan bu aqraba memleletke biz elbette sonsuz minnetdarız.

Bu sene Qırımtatar Milli meclisi daha bir önemli uluslararası quruluşun – Avrupa birliği’nin inisitivinen qurulğan ‘Avrupa’nın insaf ve hatıra platforması’ adlı teşkilatın azası oldu. Teşkilatın esas maqsadı natsizm ve komünizm tarafından yapılğan cinayetlerni incelemek ve sonunda Nürnberg Tribunalı kibi bir mahkemede komünist rejimlerinin cinayetleri ve bu sırada Qırım Tatar halqına qarşı cinayetleri hususta da qarar çıqarmaqtır.

Bundan da ğayrı, bildiğiniz kibi, keçken sene 18 mayıs matem kününe bizimle beraber Sovyet devrinde insan haqları için küreşken ve şimdi dünyanın çeşit memleketlerinde yaşağan belli ‘dissidentlerni’ davet ettik ve matem tedbirlerinden sonra keçirdiğimiz toplantıda Ukrayna ve Rusya’da insan haqları meselesi, Qırım Tatarların vaziyeti hususta beyanetler qabül ettik ve ‘Qırım Forumu’ adlı eski den komünist rejimi altında olğan ve insan haqları için küreşken insanların uluslararası teşkilat qurmağa qarar verdik.

Bu Forum her yıl Qırım’da keçirelecek ve kerekli açıqlamalar yapacaq.

Keçken yıl devamında biz bütün Qırım’da yerli meclislerimizin seçimleri geçirdik. Toplam olarak 292 yerli meclis, 22 regional meclisleri ve bu meclislerde umumen 2098 kisi seçildi. Halkqımız bu seçimlerde aktif iştiraq etti ve böylelikle 22 evvel qurduğumuz milli yönetim sistemimiz çoq sağlam ve halqın arasında büyük ihtibarı var olduğunu daha bir kere kösterdi.

Önümüzdeki senede 6-ci Qurultay vekilleri seçimleri olacak. İki hafta sonra, 12 Ocaqta (Yanvarda) biz 5-ci Qurultayın sonki toplantısını keçirecekmiz ve bu toplantıda Qurultay vekillerin seçim qaidelerini tasdıqlayacaqmız. Bu yeni qaidelerge köre artıq Qurultay vekilleri dosdoğru ve bültenlerle seçilecektir. Seçimler adaletli olması için uluslararası teşkilatlardan gözlemcilerni de davet etecekmiz. Vekiller seçildikten bir ay sonra V1 qurultayın birinci toplantısı olacaq ve bu toplantıda yeni Milli Meclis ve yeni Milli Meclis reisi seçilecek. İnşallah, yeni seçilen Meclis ve yeni Meclis reisi milli yönetim sistemimizi daha ziyade quvvetlendirecek ve halkımız oz vatanın sahibi olması ichin daha onemli adımlar atbilecektir.

2012 yılda birçok insanlarımız vefat ettiler, oların arasında yazıcımız Rüstem Muedinov, Milli Hareketimizin aktif iştiraqçileri Refat Kurtiyev ve Fikret Halilov, Türk Dünyası Araştırmalar Vakfı’n başkanı, halqımıza, milli davamızğa çok destek veren ve İsmail Gaspıralının fikirlerini en iyi şekilde hayatqa keçirmeğe çalışqan professor Turan Yazğan, Türkiye’de en ünlü işadamlarından birisi ve halqımızğa çoq yardımlar etken Qırım asıllı Sabri Ülker, Türk Dünyasının liderlerinden birisi, halqımızın sadıq dostu Kuzey Kıbrıs Türk Cumhuriyetinin cumhurbaşkanı Rauf Denktaş ve diğerleri.

Hep olgenlere Allahtan rahmet, hastalarımıza şifalar, hep insanlarımızğa bahtlı hayat tileymiz. Qırım Tatar Milli Meclisi adına tüm vatandaşlarımızı Yanı yılnen tebrik eterim!