Qırımtatar halqı Meclisi Prezidiumınıñ erkânı tizildi

05 Noyabr 2013

Meclisniñ noyabr  5 künü olıp keçken toplaşuvında  Meclis qurumı ve icra organları aqqında meseleniñ muzakeresi devamında Meclis azaları Qırımtatar halqı Meclisiniñ Prezidiumını şekillendirmek qararını birağızdan aldılar

Meclis Prezidiumınıñ erkânına 14 adam kirdi:

1.  Refat ÇUBAROV –   Meclis reisi;

2.  Ayder ACİMAMBETOV – Meclis reisiniñ muavini, qırımtatar halqı milliy areketi veteranları, cemaat teşkilâtlarınen bağlanuv idaresiniñ başı. 

3.  Nariman CELÂLOV – Meclis reisiniñ muavini , informatsion=analitik idaresiniñ başı;

4.  Aslan ÖMER QIRIMLI – Meclis reisiniñ muavini , tışqı iqtisadiy alâqalar, yatırımlar, milliy iqtisadiyat inkişafı idaresiniñ başı;

5.  Zaur SMİRNOV – Meclis reisiniñ muavini , milliy idare organları, QMC devlet icra akimiyeti organları, yerli idare organları, bütün seviyedeki şuralarnıñ deputatları ile çalışuv idaresiniñ başı 

6.  Ahtem ÇİYGOZ – Meclis reisiniñ muavini;

7.  Emine AVAMİLEVA –  kırımtatar tilinde tasil meseleleri, qırımtatar tilini Qırımnıñ devlet ve  cemaat ömüriniñ bütün saalarına kirsetüv idaresiniñ başı 

8.  Dilâver AKİYEV – Meclis Kâtibiyetiniñ başı;

9.  Teyfuq  ĞAFAROV – adliye idaresiniñ başı

10. Bekir MAMUTOV – medeniyet, tarih ve maneviy ömür meseleleri idaresiniñ başı;

11. Sadıh TABAH –  Qırımnıñ tabiat resursları ve topraq meseleleri idaresiniñ başı;

12. Ali HAMZİN – tışqı alâqalar boyunca idaresiniñ başı;

13. Gayana YÜKSEL – qırımtatar matbuat vastalarınıñ inkişafı boyunca idaresiniñ başı;

14. Seydamet YAĞÂYEV – sport ve gençlik siyaseti idaresiniñ başı