Qırımtatar halqı beşinci çağırılış Qurultayınıñ 5-nci sessiyası öz işini yekünledi

13 January 2013

Qırımtatar halqı Qurultayınıñ delegatları bir künlük iş devamında “Qırımtatar halqı Qurultayı delegatlırını saylav nizamı”nı madde-maddenen muzakere etti ve tasdiqladılar ( Nizamnıñ metini sessiya Prezizidumınıñ azaları imzalanğan soñ yerleştirilecek)

Bundan da ğayrı Qurultayda aşağıdaki muracaatlar qabul etildi:

– OSCE devletlerine, Ukraina Prezidentine “Avropada telükesizlik ve işbirlik boyunca teşkilâtta Ukrainanıñ reisligi – Ukrainanıñ Avropağa qatılması ve qırımtatar halqı aqlarınıñ ğayrıdan tiklenilmesine ümüt yılı” muracaatı;

– Qırımtatar halqı V Qurultayınıñ ukrain cemaatçılığına “HH asırnıñ eki totalitar rejimi – kommunist ve natsist rejiminiñ cinayetleri insanlıqqa zıt olğanı içün er yerde qaralanmalı! Ukrainada stalin rejimini canlandırmaq areketleri yasaq etilmeli!”;

– Ukraina Prezidenti, Ukraina Yuqarı Şurasınıñ reisi, Ukraina Baş nazirine “Simferopol” halqara ava limanına Sovetler Birliginiñ eki defa Qaramanı Amethan Sultannıñ adı berilmesi aqqında” muracaatı.