Qırımtatar faalcisi Server Zekiryayev ŞİZOğa daa bir kere yollandı

08 Avgust 2023

“Qırım musulmanları” davasında maküm etilgen qırımtatar faalcisi Server Zekiryayev, rus ceza izolâtorına daa bir kere yollandı. Onıñ apayı Zarema Zekiryayeva bu aqqında haber berdi, dep Qırım.Aqiqat yazdı.

“ŞİZOda bulunuv müddetini er kere 15 künge uzata ediler. Soñ çiçek ayınıñ 26-sında onı PKTge yerleştirdiler. Anda o oraq ayınıñ 26-sına qadar otura edi, – dep bildirildi.

“Oña barakqa qaytmaycağını ayttılar. Sebebi – onıñ maddesi, 205.5. [Müstemlekeniñ reberleri ya da işçileri barakqa qaytmaycağı aqqında] onı qorqutıp-qortutmaycaqlarını bilmeyim, amma aqayım böyle yazdı”, – dep Zarema Zekiryayeva qoştı.

Şu anda Server Zekiryayev, rusiyeniñ Tula vilâyetiniñ Donske şeerindeki 1. tüzetici müstemlekede buluna.

2020 senesi berim ayında rus Rostov-na-Donudaki Cenübiy bölge arbiy makemesi, ekinci Bağçasaray davası “Hizb ut-Tahrir”de üküm çıqardı.