Qırımtatar delegatsiyası qaraman şeeri olğan İrpinni ziyaret etti

11 Oktâbr 2024

_{Oleksandr Markuşınnıñ fotoresimi}

Türkiye ve Romaniyanıñ qırımtatar cemaat teşkilâtlarınıñ vekilleri Kıyiv vilâyetiniñ qaraman olğan İrpin şeerini ziyaret ettiler. Şeerniñ başı Oleksandr Markuşın, rusiye işğaliniñ ilk aylarında Kıyiv vilâyetinde yapqan cinayetleri aqqında tarif etti. İrpinniñ mudafaası, göñüllilerniñ qaramanlığı, ruslarnıñ vatandaşlarge qarşı işkenceleri ve atıp öldürüvi aqqında söz yürsetile edi.

“Biz evimizde mında eşitkenimiz ve körgenlerimiz aqqında aytacaqmız. Bu cinayetlerni kütleviy haber vastalarından eşitmek yeterli degil, mında kelip, rusiyeniñ yapqanı cinayetni, genotsidni öz közünen körmek kerek. Biz, qırımtatarlar, rusiye vahşetiniñ ne olğanını özümiz bilemiz”, – dep vekiller İrpinde körgenleri ve eşitkenlerine cevap berdiler.