Qırımtatar cemaat teşkilâtlarınıñ muracaatı

Qırımtatarlarnıñ qıyınlıqlarını bilgen ve aynı şu alnı qullanaraq fesat çıqarmağa tırışqan bazı destruktiv gruppalar qırımtatarlarnıñ öz-özüni idare etüvniñ milliy organı Qurultay ve Mecliske qarşı areketlerde bulunmaqtalar.

Qırımtatar akademik muzıkalı-drama teatri ögünde 2011 senesi noyabr 21-de ötkerilgen miting bunıñ açıq isbatıdır.

Aktsiya teşkilâtçıları öz tedbirlerini topraq meselelerini muzakere etüv, diye adlandırıp, asılında ise milliy öz-özüni idare etüv organlarına nisbeten öz şahsiy fikirlerini teşviq etmek içün bir qaç on tarafdarları ve eki-üç yüz semetdeşlerimizniñ anda bulunğanından faydalandılar.

Bu areketler qırımtatar halqı meselelerini çezüv oğrundaki bir sıra müsbet ceryanlarğa, şu cümleden Qırımtatar halqı Meclisi topraq meseleleri boyunca Qırım Nazirler Şurasınen işbirligi, bunıñ kibi de Qırımtatar halqınıñ öz Vatanında aq-uquqlarını tiklev. Ukrainada onıñ telükesizligi ve inkişafını teminlev boyunca halqara forumğa qaviy azırlıq alıp barılması içün teleyükelidir.

Qırımtatar cemaat teşkilâtları böyle areketler qırımtatarlar halqınıñ birligini bozmağa çalışa, dep sayalar ve semetdeşlerimizni fesatçılarnıñ peşinden ketmemege çağıralar.

1 “Bizim Qırım” Halqara yaşlar teşkilâtı,  Abduraman Egiz

2. “Emel” cemaat teşkilâtı,  Nuri Şevqiyev

3. Qırımtatarlar tarihı ve medeniyeti tedqiqatçılarınıñ cemiyeti,  Şevket Qaybullayev

4. “Maarifçi” qırımtatar maarif hadimleriniñ birligi,  Safure Kacametova

5.Qırımtatar ressamlarınıñ birligi,  İrfan Nafeyev

6. Qırımtatar qadınlar birligi,  Safinar Cemileva

7. “İnitsium” Qırımtatar adliyeciler birligi,  Dilâver Akiyev

8.”Avdet” cemaat teşkilâtı,  Mustafa Mauşev

9. Ocalar keñeşi cemaat teşkilâtı,  Dilâra Seytveliyeva

10. Qırımtatar medeniyet fondı,  Ridvan Ayedinov

11. “Qırım teşebbüsi fondı” cemaat teşkilâtı,  Elvedin Çubarov

12. “Tayanç” cemaat teşkilâtı,  Rasim Bekirov

13. Qırımtatar tarihçılarınıñ birligi,  Gülnara Bekirova

14. Qırımtatar edebiyatı inkişafınıñ cemiyeti “Edebiyat”,   Riza Fazıl

15. “İleri” cemaat teşkilâtı,  Remzi Şevqiyev

16. “Eftade” qadınlar klubı” cemaat teşkilâtı,  Üsniye Halilova

17. “Qırımtatar yaşlar merkezi” Qırım cumhuriyet teşkilâtı,  Emin Avamilev

18. “Odun bazar qapısı” cemaat teşkilâtı,  Dilâra Yakubova

19. “Küreş” Kırım milliy küreş federatsiyası,  Seydamet Yağyayev

20. “Nesil” yaşlar mecmuasınıñ muarririyeti,  Girey Bekirov

21. “Arslan” Yaşlar merkezi,   İnara Ablayeva

22. “Qardaşlıq” cemaat teşkilâtı,   Murat Yazıciyev

23. “Borazan” cemaat teşkilâtı,   Talât İlyasov

24. “Yaşlar sedası” cemaat teşkilâtı,   Aliye Kefileva

Bundan da ğayrı, noyabr 22 künü “Bizim Qırım”, “Yaşlar şurası”, “Yaşlar sedası”, “Qardaşlıq”, “Qırımtatar yaşlar merkezi” cemaat teşkilâtları da onlayn muracaatnı imzlazap, Qırımtatar teatri ögünde 2011 senesi noyabr 21-de olıp keçken miting teşkilâtçılarınıñ fesatını qaraladılar.

Cemaat teşkilâtlarınıñ vekilleri 21 noyabr aktsiyasını fesatçı gruppalarnıñ qırımtatar halqınıñ birligini bozmağa tırışuv, dep tanıdılar ve semetdeşlerimizni qırımtatarlarnı bölmege doğrultılğan böyle tedbirlerde iştirak etmemege çağırdılar.

“Qırımtatarlarnı birleştirgen yekâne platforma bu Qırımtatar halqınıñ Meclisi ve Müftiliktir. Em qırımtatarlarnıñ episi şu fikirde olmalılar”, – dep sayalar cemaat teşkilâtları.