Qırımdan qırımtatar halqı ve diger milletler sürgün etilgeniniñ 69 yıllığı munasebetinen Ukraina Prezidentiniñ Ukraina halqına muracaatı

18 May 2013

Ürmetli semetdeşler!

Er yılı mayıs 18 künü Ukraina halqı Qırımdan sürgün etilgen qurbanlarnıñ hatırasını aña. Aman-aman yetmiş yıl evelsi totalitar rejim qırımtatarlarğa qarşı qattı cinayetke qol urdı. Qırımtatarlar zorbalıqnen Orta Asiya, Sibir ve Uralğa sürgün etildiler. Qırım yarımadasında yaşağan ermeni, urum, bulğar ve nemseler de aynı böyle cezağa oğratıldılar.

Sürgünlikniñ ağır şaraitlerinde bu insanlar özgünligi, medeniyeti ve tilini qorçalap oldılar. Nice-nice horluq, qıyınlıqlarnı çekip, Vatanğa qaytuvnı tüşündiler. Biz bugün sürgünlik qurbanlarınıñ hatırası ögünde secde etemiz.

Bütün bu yıllar devamında tarihiy adaletni tiklev oğrunda küreşken semetdeşlerimiznen ğururlanamız.

Ukraina devleti iqtisadiy qıyınlıqlarğa baqmadan sürgünden qaytqanlar ve olarnıñ nesillerini yerleştirüv meselelerini kelecekte de çezmekni devam etecek.

Faqat birlik olıp, milletlerara barışıqlığımıznı pekiterek küçlü ve demokratik Ukrainanı qurabilirmiz, Qırım toprağını çeçeklendirirmiz.
 

Ukraina Prezidenti        Viktor Yanukoviç

2013 senesi mayıs 18