Qırımdaki qanunsız mobilizatsiya sebebinden 6 biñ qırımtatar yarımadadan ketti – Çubarov

18 Aprel 2023

Qısmiy mobilizatsiya ilân etilgen soñ hızmet ete bilgen yaştaki 6 biñ qırımtatar işğal etilgen Qırımdan ketti. NV neşri içün müstemlekede Qırımtatar Milliy Meclisiniñ başı Refat Çubarov bunı yazdı.

– Keçelerde tecavuzcı bir devlet, böyle degen qısmiy mobilizatsiyanı ilân eter etmez biñlerce qırımtatar adamı mobilizatsiya şeadetnamesini aldı. Er bit tarzda rus işğal ordusından qaçınmaları içün insanlarnı çağırdıq. Ve kerçekten de hızmet ete bilgen yaştaki biñlerce adam Qırımdan ketti. Olarnıñ büyük qısmı ailelerinen kettiler. Tahminen 5-6 biñ insan aqqında laf etemiz, – Çubarov yazdı.

Onıñ sözlerine köre, ketken insanlarnıñ “pek zayıf vesiqaları bar”, çünki işğal seneleri boyunca olarnıñ ukrain vesiqalarınıñ müddeti soñuna keldi. Bazıları Ukraina tış pasportını alamadılar. Bunıñ içün qırımtatar halqınıñ bu vekilleri, bu tür pasportlarnen ketmege izin bergen ülkelerge, şu cümleden Qazahistanğa, keteler.