Qırımda tintüvler: eki qırımtatar tutuldı

20 Iyün 2023

Bugün rus TFH, qırımtatarlarnıñ evini tintmege ketti. Vaqtınca işğal etilgen Qırımnıñ İslâm Terek (Kirovskıy) rayonında eki qardaş tutuldı. Facebookta “Qırım birdemligi” içtimaiy birleşmesi bu aqqında haber berdi, dep Ukrinform bildirdi. 

– Bugün Qırımnıñ İslâm Terek rayonındaki Qızıl Terçek köyünde TFHniñ işçileri, qırımtatar ailesiniñ evini tinttiler. Eki doğmuş qardaş, Cafer ve Alim Alüstayev, Aqmescitteki Franko bulvarı 13 adresinde TFHniñ idaresine ketirdiler.

Tutulğanlarnıñ aqrabalarınıñ bilgilerine köre quvetçiler, nomerasız üç maşnanen Alüstayevlerniñ evine keldiler. Bildirildi ki, maskalarnen adamlar qoradan tırmaşıp çıqıp keçtiler, evni qırşavladılar ve tinttiler. İç bir vesiqa bermediler, cep telefonlarını aldılar.