Qırımda TFH demiryolnı patlatmağa şübelengen yerli sakinni azapladı

22 Iyün 2023

Aqmescitte rus quvetçileri, adamnı demiryolnı patlatmağa şübelep tuttılar. Onı azapladılar ve qorqutılar, dep Qırım.Aqiqat yazdı.

Laf, 33 yaşındaki Kırılo Barannık aqqınadır. Mayıs ayınıñ 30-ında Aqmescitteki Salğır yalısında onı tuttılar. Bildirildi ki, onıñ başına çuval taqıp, TFHniñ idaresine ketirdiler. Barannıknı soradılar, kiçik aynıñ 23-ünde Bağçasaray rayonınıñ Poştove köyü yanında demiryolnı patlağanını tanıdı.

Buña baqmadan, Barannıknıñ aytqanına köre, TFHniñ işçileri onı urmağa ve elektrik aqımnen azaplamağa başladışar. Rusiyeniñ teşkil etkeni Qırımda Taqiqatçı eyyetiniñ arbiy-taqiqat bölügine arizada yazdı. Arizada TFHniñ bilmegeni işçileriniñ areketlerini teşkermege ve onı azaplağan insanlarnı qırıdıp mesüliyetke ketirmege rica etti.

 Tek kelecek kün Barannıknı tutuv protokolı tizildi. Barannıknıñ anası, keçekten de onıñ keçken kün tutulğanını tasdıqladı. Ertesi kün Aqmescitteki Kıyiv rayon makemesi onı epis etti ve 2. SİZOğa yolladı. Makemeniñ saytında Barannıknıñ tevqifi aqqında malümat yoq.

Bozarğan aynıñ 5-i ve 6-sı arasındaki gece Barannıknı TFHniñ idaresine ketirdiler ve onıñ sözlerine köre, tahminen 3-4 saat devamında elektrin aqımnen azapladılar. Baannıknı mayıs ayınıñ 18-inde Aqmescit rayonınıñ Çıstenke köyü yanındaki demiryolnı patlatmağa tanımağa mecbure etmege ıntıldılasr. İşkenceler astında bulunğanına baqmadan anda iştirak etmege tanımağa red etti.

Bozarğan aynıñ 9-i ve 10-u arasındaki gece Barannıknı azaplamaq içün THFniñ izolâtorına yañıdan ketirdiler. Bütün gece altı saat devamında onı azaplay ediler. SİZOda Barannıknı ziyaret etken advokat Oleksiy Ladin tasdıqladı ki, onıñ parmaqlarında elektrikadan yaralarnı, qaburğalar yanında arqada şişklerni kördi.

Menba diqqatnı buna da celp etti: TFHniñ taqiqçıları Oleksandr Lavrov ve Oleksandr Kuznetsov Barannıknıñ davasında taqiqatçılıq yapalar. Lavrov, cenkke qarşı numayış sebebinden 15 senege maküm etilgen Kezlevden ressam Bohdan Zizanıñ davasında da iştirak etti. Ziza ayta edi ki, Lavrov onı ura edi ve kamera ögünde evelden yazılğan qabaatını tanıma metni oqumağa mecbur etti.