Qırımda qırımtatarlar zulum astındalar – Avropa Parlamentiniñ mebusı

21 Oktâbr 2022

Foto: violavoncramon.eu

Oktâbr ayınıñ 24-25 künleri Zareb şeerinde Qırım platformasınıñ ilk Parlament sammiti keçirilecek. Qırım platforması vastasınen Ukraina dünyağa işğal etilgen Qırımdaki adaletsizliklerni köstermeli.

Keçken sene Qırım platformasınıñ ilk sammitinde iştirak etken alman siyasetçisi, Avropa parlamentiniñ mebusı Viola fon Kramon “Holos Ukrayinı”ğa intervyü bergende bunı ayttı.

Onıñ sözlerine köre, keçken bir qaç sene devamında er kesniñ işğalge boyun eggeni bir teessurat oldı.

– O zaman Prezıdent Zelesnkıy qayd etti ve şimdi bunı yapa: Ukraina, em de Platforma vastasınen, dünyağa Qırımdaki adaletsizliklerni köstermeli, – insan aqlarını bozuv, sürgünlik, ukrain tiliniñ ve qırımtatarlarnıñ zulumı, öz idaresini ihmal etüv. Dünya şunlarını endi körmey, olar aqqında laf etmey. Ve Ukraina Prezidenti tüşüne ki, bunıñ içün bu topraqlarnı qaytaruv yollarını qıdıra bilecegimiz mahsus bir forum kerek, – de fon Kramon qayd etti.