Qırımda qavmiy ukrainalılar ve qırımtatarlar qanunsız olaraq mobilizatsiya etileler – Çubarov

05 Dekabr 2022

Qırımtatarlardan ğayrı Rusiye, vaqtınca işğal etilgen Qırımda yaşağan Ukraina vatandaşlarını zornen mobilizatsiya ete. Bugün dekabr ayınıñ 4-ünde FREEДОМ telekanalınıñ canlı yayınında Qırımtatar Milliy Meclisiniñ başı Refat Çurabor bu aqqında haber berdi.

– Rusiye Federatsiyası, vaqtınca işğal etilgen Qırımda yaşağan Ukraina vatandaşlarını zornen mobilizatsiya ete. Mobilizatsiya vaqtında qavmiy hususiyetlerge bir saylav yoq. Ve bütün qavmiy qırımtatarlar, qavmiy ukrainalılar ve başqa milletlerniñ vekilleri mobilizatsiya etileler, – dep Çubarov ayttı.

O bildirdi, ki qırımtatar haqlını daa çoq quvetsizlendirmek içün “mobilizatsiya” usulını qullana.

– Aslında arbiy olaraq hzımet etmeli olğan ve tek erkekler degil mobilizatsiya etilir. Qırımdan acele ketmege mecbur olğan eki aile bilem. Anda qadınlar ekimler olıp çalıştılar ve rus işğalcileri tarafından zornen mobilizatsiya etile bilir ediler, – dep añlattı.

Çubarov qayd etti ki, mobilizatsiya etmeli olğan kişiler aslında müddet hızmet ettiler. Ve rus işğalcileri içün olarnıñ yarımadanıñ işğaliden evel ukrain ordusında hızmet etip etmegenleri, olarnıñ 2-3 sene evel mecburen hızmet etmege ketip ketmegenleri müim olmay. 

– Böylece, er bir hızmet etmeli olğan kişi mobilizatsiya etile. İnsan ukrain ordusında hızmet olsa edi, Rusiye Federatsiyasına ant etip bir vesiqa imzalamağa mecbur ola, – dep Refat Çubarıv qayd etti.