Qırımda işğalciler Dmıtro Demçuknı azapladılar

10 Fevral 2023

Kiçik aynıñ 9-ında Qırımda rus quvetçileri, Sudaqtan qırımtatar faalcisi Dmıtro Demçuknıñ evini tinttiler. Aynı zamanda bedeniy ve ruhiy basım qullandılar, dep Qırım.Aqiqat haber berdi.

Demçuknıñ sözlerine köre, kiçik aynıñ 9-ında saat altıda maskalar ve silânen rus quvetçileri onıñ evine kirdiler ve bütün qomşularnı uyandırdılar.

– Meni çamaşırda yataqtan alıp, ellerimni tutıp, zalğa ketirdiler, video çıqarmağa başladılar, qandallarnı taqıp RF CQniñ 282. maddesine (nefret ya da duşmanlıq yaratuv, insan qıymetini aşalav) köre qabaatını oqudılar. Tintüv neticesinde dairemni alt-üst ettiler, divan ve yataq qırdılar, 18 yaşına yetmegen qızımnıñ eşyalarını teşkerdiler ve ana-babasından izin almadan advokatsız sorav keçirdiler. Tintüvden soñ episiniñ közü ögünde qandallarnen evimizniñ azbarı boyunca ketirdiler, ormanğa ketirip şişege oturtmağa ya da mağazğa ketirmege qorutqan silânen muafızlarnen mikroavtobusqa mindirdiler, – dep faalci haber berdi.

Dmıtro Demçuk añlattı ki, quvetçiler onı Aqmescitteki “E” Merkezine yolladılar.

– Meni Aqmescitniñ merkezine “E” bölüginiñ yerleşkeni nasıldır yarım mağaz odasına ketirdiler. Anda meni qaşamğace tuttılar, soradılar. Bütün menin orgtehnikamnı (kompyuter, netbuk, cep telefonlarım, apayımnıñkiler ve qızımnıñkiler) teşkermek içün aldılar. Soravlar vaqtında qorqutmalarnen ruhiy basım qullandılar. Ve sorav soñunda nasıldır müim bir işçi kirdi, onıñ ögünde meni buruldırdılar, başıma kurtkanıñ başlığını taqtılar. Bundan soñ eñsege urdılar, qulaqlarımda çañ kibi çaldı, men skemleden deyerli tüştim. Bundan soñ meni avtovokzalına ketirdiler, anda dolmuşqa bilet alıp evge kettim, – dep faalci añlattı.

O qayd etti ki, işkenceler astında qabaatını tanımağa mecbur edi.

– Maña qarşı qanunsız areketler aqqında haber beriñiz. Qabaatnı tanımağa mecbur oldım, aksine azaplamağa devam ettiler, – dep faalci qayd etti.

Faalci Dmıtro Demçuk – orman hocalığınıñ sabıq müendisi. İşğal etilgen Qırımnıñ toprağında ekologik meselelerni aydınlata edi.