Qırımda işğalciler daa çoq insan tutmağa ve daa çoq mobilizatsiya şeadetnamesini bermege başladılar – MQM

27 Mart 2023

Vaqtınca işğal etilgen Qırımda rus işğalcileri, “qarşı diversiya” rejimini pekiteler.

Yarımadaki ukrain gizliligi, qırımtatarlarnı tevqif etüv ve olarğa mobilizatsiya şeadetnamelerini berüv vaqialarınıñ çoqlaşqanını qayd etti.

Milliy qarşılıq merkezi bu aqqında haber berdi.

– Vaqtınca işğal etilgen yarımadada senelerce devam etken terrorğa baqmadan ruslar, yerli ealiniñ qarşılığını yoq etemediler. Bunıñ içün enkavedistlerniñ eñ yahşı adetince ruslar, yerli ealige qarşı repressiyalarnı quvetleşeler. İşğalciler, qırımtatarlarnı taqip etmege eñ çoq diqqat eteler, – beyanatta yazıldı.

Milliy qarşılıq merkezi qayd etti ki, işğalciler, faal vatandaşlarnı taqip etken ve cep telefonlarını faal olaraq diñlegen mahsus hızmetlerniñ işçileriniñ sayısını çoqlaştırdılar.ф