Qırımda işğalciler 20 biñden ziyade mobilizatsiya malümatnamesini qanunsız olaraq berdiler – Yüksel

18 Noyabr 2022

Putinniñ bildirgeni mobilizatsiya çerçivesinde vaqtınca işğal etilgen Qırımda çoqusı allarda qırımtatarlarğa tahminen 20-25 biñ mobilizatsiya malümatnamesi berildi. Bunıñ sebebinden qırımtatarlarnıñ yarımadadan migratsiyası başladı. Bugün noyabr ayınıñ 18-inde FREEДОМ telekanalınıñ canlı yayınında Qırımtatar Milliy Meclisiniñ azası Gayana Yüksel bu aqqında haber berdi.

Qırımdaki qanunsız mobilizatsiyanı tefsir etkende Yüksek bunıñ şu anda eñ esas meselelerden biri olğanını qayd etti.

– Sentâbr ayınıñ 21-inde Putinniñ ilân etkeni qanunsız mobilizatsiya, qırımtatarlar içün ciddiy bir mesele oldı. Yerli “gauleiterler” plannı muvafaqiyetnen bitirmege esabat bergenlerine baqmadan. Qırımda nazariy olaraq 60 biñ kişilik planı azırlandı, amma ameliy tarzda ve mevcut olğan malümatqa köre, 20-25 biñ mobilizatsiya malümatnamesi berildi, – dep Meclisniñ vekili ayttı.

Onıñ sözlerine köre, işğal akimiyeti tamam qırımtatarlarğa mobilizatsiya malümatnamelerini bermege ıntıla.

– Qırımtatarlarnıñ yarımadada faizi 12-13 olğanda bazı bölgelerde qırımtatarlarğa mobilizatsiya malümatnameleriniñ faizi ise 80-90dır, – dep Yüksel tafsilatlıca añlattı.