Qırımda işğal makemesi, uquq qorçalayıcı Abdureşit Cepparnıñ davasınıñ şaatlarını çağıracaq

13 Iyün 2023

İşğal etilgen Aqmescitte uquq qorçalayıcı Abdureşit Cepparğa dair memuriy qanun bozması aqqında protokolnıñ baqılması başladı. Rus işğalcileri, ukrain vayandaşını “RF Silâlı quvetlerini itibardan  tüşürmege” qabaatlaylar.

ZMINA uquq qorçalayıcı teşkilâtı bu aqqında haber berdi.

Davanıñ bilgilerine köre rus quvetçileri, onıñ “Qırım ğayesi” adlı Faceebok saifesini idare etkenine inanalar, amma Ceppar bu saifege ait olğanını red ete.

Qanunsız “makemeci” Oksana Karçevska, qorçalayıcı tarafnıñ protokoldaki hatalarnı tüzetmek içün onı qaytarma ricasını red etti. Bundan ğayrı o, topraq maznunlığına mücibi dava bermege red etti.

Birinciden Karçevska şaatlarnı çağırmağa red etti, amma birazdan öz qararını deñiştirdi ve bozarğan aynıñ 26-sına qadar davanıñ baqılmasını uzattı. Cepparnıñ protokolnı imzalamağa red etkenini aytqan eki şaat ve esabatı davanıñ bilgilerinde bulunğan qanunsız “aşırıcılıqqa qarşı merkez”niñ işçisini “makeme” ceryanına çağırıp ketecekler.