Qırımda işğal makemesi 20 yaşındaki qırımtatar oğlanını dekabr ayına qadar taqiqatçı izolâtorında qaldırdı

26 Oktâbr 2022

Rusiyeniñ Qırımda kontrol etkeni makemesi 20 yaşındaki Herson vilâyetiniñ sakini qırımtatar Appaz Kurtametni tutmağa devam etmege qarar berdi. Onıñ hızsızlanğan olğanı avgust ayında belli oldı, dep Crimean process haber berdi.

Belli ki, Qırımda böyle degen yuqarı makeme, Appaz Kurtametniñ qorçalayıcı tarafınıñ taqiqatçı izolatorında tutuv şeklindeki qorçayalıcı tedbirnen bağlı apelâtsiyasını red etti. Böylece, qırımtatar oğlanı eñ az dekabr ayınıñ 5-ine qadar tutulacaqtır. 

Apaz Kurtamet, Rf CQniñ 203. “Qanunsız silâlı teşkilâtqa para berüv” maddesine şeklene. Qabaatlayıcılarğa köre, Appaz bey, Ukrainanı rus tecavuzından qorçalağan “Qırım batalyonı”nıñ iştirakçisine 500 grivnalıq maliyeviy yardımnı berdi.