Qırımda içtimaiy jurnalist Ernes Ametov 11 senege makün etildi
![Qırımda içtimaiy jurnalist Ernes Ametov 11 senege makün etildi](https://qtmm.org/wp-content/uploads/2022/12/ernes_ametov-730x380-1.png)
İçtimaiy jurnalist Ernes Ametovğa dair davanı daa bir kere baqqan soñ Rostov-na-Donu şeerindeki rus cenübiy bölge arbiy makemesi, maznunnı 11 senege şiddetli rejimli müstelekege maküm etti. Qırım.Aqiqat bu aqqında yazdı.
Bundan ğayrı, Ametov azat etilecek soñ Qırımnıñ toprağından çıqamağa, halq ögündeki tedbirlerni teşkil etmege ve anda iştirak etmege, evelden haber bermeden yaşağanı yerni deñiştirmege, 22:00 – 06:00 saatleri evinden çıqmağa yasaqlandı. Daa qayd etmek içün ayda eki kere maqbul organğa ketmeli olacaq.
Dekabr ayınıñ 27-sinde haber berdiler ki,Ernes Ametov içün rus tarafı 18 sene ve 6 aylıq ükümni talap ete edi.
2017 senesi oktâbr ayınıñ 11-inde Qırımdaki taintüvlerden soñ, Seyran Saliyev, Marlen Asanov, Timur İbrahimov, Server Zekiryayev ve Memet Belâlovnen beraber Ernes Ametov epis etildi. Qırımdaki ve Rostov-na-Donudaki taqiqatçı izolâtorlarında musulman üç senelik taqiqat ve makeme baquvlarını keçirdi.
2022 senesi onı aqladılar ve deliller olmağanı içün makeme zalında azat ettiler. Bu, tek işğal etilgen Qırımda degil, em de qomşu Rusiyeniñ topraqlarında “Hizb-ut-Tahrir davaları”nda böyle ilk vaqiadır. Faqat 2022 senesi mart ayında apelâtsiya makemesi Cenübiy bölge arbiy makemesiniñ qararını yañıdan baqıp, bu dava yañıdan açmağa qarar berdi.