Qırımda “çaqmağan” qırımtatar qadına qarşı dava açıldı

09 Noyabr 2023

Vaqtınca işğal etilgen Qırımda 25 yaşındaki Emine Zekeyayevağa qarşı cinaiy dava açıldı. O sanki “cinayet aqqında haber bermedi”.

“Qırım birdemligi” bu aqqında haber berdi, dep Ukrinform bildirdi.

“Eski Qırımdan qırımtatar Emine Zekeryayevanı Qırımdaki İİNniñ taqiqat idaresine soratmağa çağırdılar ve “cinayet aqqında haber bermeme” sebebinden RF CNniñ 205.6. maddesine (“Cinayet aqqında haber bermeme”) mücibi oña qarşı cinaiy dava açılğanını bildirdiler”, – dep faalciler haber berdiler.

Taqiqatçılarnıñ versiyasına köre,  2016 senesi Zekeryayeva, Suriyege ketken ve “silâlı şekillenüvniñ azası olğan” ukrainalı qadınnen içtimaiy ağda laf etkeni aqqında haber bermedi. Taqiqatnıñ fikrince, qız silâlı şekillendirüvniñ azası edi ve o, “RFnıñ menfaatına qarşı”dır.

Advokat Emil Qurbedinov tüşüne ki, mahsus hızmetler ve başqa taqiqat organları, maqbul cinaiy davalar vastasınen adiy vatandaşlarnı tutmağa tırışalar ve qanunlaştırılğan çaquv ameliyatını şekillendireler.

Zekeryayevanıñ 18 yaşına yetmegen mektepten tış ayşındaki eki balası bar.