Qırımda Bilohirsk tehnikumınıñ sabıq ocası Andriy Bilozerovnıñ apis müddeti uzatıldı

21 Fevral 2023

Rusiyeniñ kontrol etkeni Aqmescit Merkeziy rayon makemesi Aqmescit şeeriniñ sakini, Bilohirsk tehnikumınıñ sabıq ocası Andriy Bilozerovnıñ ev apisini 2023 senesi saban ayınıñ 16-sına qadar uzatıldı. Faalci, Qırım.Aqiqatqa bu aqqında haber berdi. 

Bilozerovnıñ bilgilerine köre, kiçik aynıñ 20-sinde ev apisiniñ müddeti soñuna yetti, qorçalayıcı taraf onı uzatmamaq içün söz aldı.

– Kiçik aynıñ 20-sinde Aqmescit Merkeziy rayon makemesiniñ prokurorlığınıñ resmiy ricasınen dava oturışı keçirildi. Anda mekemeci Oleksandr Voronıy, prokurorlıqnıñ ricasını qanaatlendirdi ve keçenlerde tesbit etilgen bütün sıñırlamalarnen apisniñ müddetini 2023 senesi saban ayınıñ 16-sına uzatmağa qarar berdi, – dep haber berdi.

Bilozerovnıñ ekim ayınıñ 9-ındaki postında yazıldı: “8 senedir Donbasta RF SQ, cebeden Donetsk yönelişine toplarını qaytararaq, Ukrainanıñ qabaatsız babaları ve qadınlarını bombalaylar, soñ yarım sene ise RF SQ ukrain şeerlerini bombalaylar ve ukran sakinlerini öldüreler”. O sebebinden işten çıqarıldı.

Berim ayında Bilozerov, 13 künge tevqif etildi ve Bilohirsk tehnikumındaki işten çıqarıldı. Bunıñ sebebi, uçucısız Bayraktar aqqında ukrain yırınen videonu izegeni bir video oldı. 

Boş aynıñ soñunda Aqmescit şeerinde Bilohirsk tehnikumınıñ sabıq ocasınıñ natsizm timsallerini qullanması (Rusiye KoAPnıñ 20.3. maddesi) içün oña qarşı bir protokol yazdılar. Onı 14 künge memuriy tevqif ettiler. Bunıñ sebebi Bilozerovnıñ “VKontakte” saifesinde “Qırmızı qanser” ukrain türküsinen bir post oldı.