Qırım köpründeki patlama davasınıñ beş iştirakçisi aqiqatçı izolâtorında qaldırıldı

28 Oktâbr 2022

Rusiyeniñ kontrol etkeni Qırım Yuraqı makemesi, Keriç (Qırım) köpründeki patlama ve yanğın rus cinaiy davasınıñ beş iştirakçisini tutmağa qaldırdı. Makmesiniñ matbuat hızmetine atıf eterek Qırım.Aqiqat bu aqqında haber berdi.

– Aqmescit şeeri Kıyiv rayon makemesiniñ qararları, saylanğan qorçalayıcı tedbirniñ qısmında deñiştirilmedi, şikâyet davaları ise qabaatlendirilmedi. Baqıluvlar, qapalı makeme oturışında keçirildi, – dep beyanatta yazıldı.

Oktâbr ayınıñ 13-ünde rusiyeniñ işğal etkeni Qırımdaki makeme, Keriç köpründeki patlama cinaiy davasınıñ qabaatlarını – Ermenistan ve Ukraina vatandaşları olğan Artem Azatyan, Heorhiy Azatyan, Roman Solomka, Volodımır Zloba ve Artur Teçanân tuttı.

TFH, Ukraina vatandaşları olğan Solomka ve Zobanı, Ermenistan vatandaşı olğan Terçanânnı, patlayıcı aletni Bulğaristan, Gürcistan ve Ermenistan vastasınen rusiyege taşımasını teşkil etüvine ait olğanlar olaraq tanıdı. Müessiseniñ beyanatında Artem ve Heorhiy Azatyan mevcut olmay. 

Oktâbr ayınıñ 17-sinde Moskva şeerinde Keriç körpündeki patlama davasınıñ daa üç iştirakçisi epis etildi.